Maine Dekha Hai Apne Bachpan Ko…!
Haan, Maine Dekha Hai Apne Bachpan Ko!
Uss Chhote Purane Bakse(बक्से) Mein,
Unn Purane Fate(फटे) Kapdo Mein…
Uss Album Mein,
Aangan Ke Uss Jhule Mein…!
Maine Dekha Hai Apne Bachpan Ko!
Unn Kutri Fati Dhool Wali Copy-Kitaabo Mein,
Khinchi Gayi Uss Class Group Wali Photo Mein…
Uss Purani Uniform Mein,
Uss School Ki Unn Yaado Mein…!
Haan, Maine Dekha Hai Apne Bachpan Ko!
Uss School Ke Purane Park Ke Jhulo Mein,
Uss Purane Pencil Box Mein…
Unn Purane Toote Pencil Colours, Crayons Mein,
Apne Unn Purane Ho Chuke School Projects Mein…!
Hmm..Maine Dekha Hai Apne Bachpan Ko!
Unn Purane Logo Mein,
Unn Purani Galiyo Mein…
Unn Purane Khilauno Mein,
Unn Purane Cartoons Mein…!
Haan, Haan…Maine Dekha Hai Apne Bachpan Ko!
Apne Aaspaas Khelte Chhote Bachcho Mein,
Apne Chhote Bhai-Behn Mein…
Unn Bachcho Ki Hasi Mein,
Unke Rone Mein, Unki Masoomiyat Mein…!
Bula Raha Hai Mujhe Inmein Mera Bachpan,
Lekin Main Ja Nhi Sakti.
Waqt Jo Nikal Gaya,
Ab Usey Waapis Bula Nhi Sakti.
Kya-Kya Feel Karti Hu,
Main Bta Nhi Sakti.
Chahu Bhi Toh Zimmedariyo Ke Inn Janjeero Se,
Khud Ko Chhuda(छुड़ा) Nhi Sakti..
O Mere Bachpan….Main Toh Nhi Aa Sakti,
Tum Hi Aa Jaao.
Bas…Phir Ek Baar Mujhe Zindagi Jeene Ka,
Tareeka Sikha Jaao.
Iss Bhaagdaud Bhari Zindagi Se,
Ab Thak Chuki Hu Main.
Tum Mujhe Wo Aahista Chalti Zindagi,
Waapis Kar Jaao..
Ae Mere Bachpan…Tum Bas Ek Baar Aa Jaao…!!
✍️Srishty Bansal
