“ गोलू क जन्म दिन “

डॉ लक्ष्मण झा “ परिमल “
====================
मालिक ! आहाँ सभक
जन्म दिन मनबैत छी ,
सभक लेल सुंदर सुंदर
कैक आहाँ बनबैत छी !
आसपड़ोस संगीसाथी
लोक सब केँ बजबैत छी ,
राति भरि डी 0 जे 0 केँ
धुन पर नाचैत छी !!
हम की अपराध आहाँ
सँगें कहियो की केने छी ?
राति राति जागि केँ
अहर निशि पहरा देने छी !
आहाँकें जानमाल घर
आँगनक रक्षा हम केने छी ,
अपन कर्तव्यपरायणताक
प्रतिभा हम देखेने छी !!
नहि कहियो हम कोनो
भार आइ धरि देने छी ,
कपड़ालत्ता बिछाऔँनक
चर्चा तक नहि केने छी !
ठंड,बरसात, गर्मी ,
आँधी तूफान तक झेलने छी ,
सब काज क आदेश पर
सम्पादन हम केने छी !!
नहि दरमाहा नहि कोनो
डी 0 ए 0 हमरा चाहि ,
दू कौर भोजनक सब
दिन हमरा व्यवस्था चाहि !
प्रेमक हम भुखल छी
बस तकरे इ उपहार चाहि ,
भेद भाव सँ की करबे
हमरा त बस प्यार चाहि !!
बिलाई महिस केँ जखन
जन्म दिन मनबैत छी ,
ओकर लेल पाँच किलो क
कैक आहाँ काटैत छी !
सोशल मीडिया मे
भाँति -भाँति पोस्ट करैत छी ,
हमहूँ त आहाँक रक्षाक लेल
राति दिन मरैत छी !!
हमहूँ त आहाँक परिवारक
लोक छी मानि लिय ,
वफादार कुकुर भेलहूँ
हमरो कनि पहचानि लिय !
जन्मदिन केँ अवसर पर
हमरा अपन स्नेह दिय ,
जन्म जन्म धरि श्रेष्ठ
बनक लेल सम्मान लिय !!
====================
डॉ लक्ष्मण झा “ परिमल “
साउन्ड हेल्थ क्लिनिक
एस 0 पी 0 कॉलेज रोड
दुमका
झारखंड
भारत
26.06.2022.