*** गीत ***
गीत
प्रारम्भिक बोल ?
बैठी हूं इंतजार करूं
देखूं ऊंट सवार घणू
देखूं थांरी छवि घणी
नैणा में रख प्यार करुं ।।
******************
प्रीतम म्हारे हिवड़े री
हिवड़े में राखयो जी
निरखण लागी घर री नार
घर कद पधारोगा भरतार
सूनी सूनी रातड़ली में
तारा गिण काढ़ा सारी रात
घर कद पधारोगा म्हारा भरतार
चांदणी रातां म्हारी बैरण
बण गयी नींदड़ली
सुपनो जाग्यां कैयां आवे
आ बैरण बण गयी नींदडली
रूखां नीचे बैठी रोऊं
जोऊं थारी बाटड़ली
नैण भया बिन नीर उदास
धोरां माहीं सूजे नांही
हो गया कण्ठ उदास
गातां गातां थारी अरदास
सुणै नाहीं कोई बातड़ली
इब बता दे धरुं कैयां धीर
निहारूं थारी बाटड़ली
प्रीतम म्हाने हिवड़े में राख्यो
निरखूं थांरी भोळीभाळी सूरतड़ी
प्रीतम म्हारे हिवड़े री
हिवड़े में राख्यो जी ।।
?मधुप बैरागी
