कानून काले तीन तोड़ दो, वरना हो हार मोदी की
अन्नदाता की पुकार सुणै ना, या सरकार मोदी की,
कानून काले तीन तोड़ दो, वरना हो हार मोदी की..!!टेक!!
राजी होकै राज देश का, सोपा था तेरे हाथां में,
बरते बेरा लाग्या तेरा,सबनै भलोगा बाता में,
अंबानी खातिर, भाईयों चालै कार मोदी की..!!२!!
सूखी हवा में चौधर मिलगी, इब क्यू छाती ताणै सै,
सरकार बणावन आला माणस, गिरा भी जाणै सै,
इब जनता न्याय करैगी, ना दबवार मोदी की..!!४!!
किसान का यो हाल देखकै, तेरी सूती पड़ी अकल सै,
दूनियां साची कहया करै थी, तेरा पत्थर कैसा दिल सै,
लोग उदाहरण दिया करै थें, सै दुखियारी नार मोदी की..!!३!!
तू कालनेमी राक्षस पाया, साधू आले बाणे में,
मनजीत पहासौरिया जिकर करै, इस सकल हरियाणे में,
बैरीकेड के ऊपर लगरही, कंटीली तार मोदी की..!!४!!
रचनाकार:- लेखक मनजीत पहासौरिया
मो०9467354911
