Mohabbat Milne Aai Thi……

Ki kal raat, mohabbat milne aayi thi,
Sard nisha me, shayad jalne aayi thi!!
Fir kaha usne, ki sath rehna hai…..
Maine kaha, accha mere sath khelna hai !!
Btaya usne ki mere liye kuch sajaya hai,
Maine pucha mere se pehle kitno ko sataya hai…….
Usne kaha, mere liye bohoton ko dafnaya hai,
Maine pucha, acha ye kahani kitno ko sunaya hai?
Areh choro bhi, ab ye sab baatein rehne hi do na…..
Usne kaha, areh nahi, mujhe kehne do na
Maine pucha kya bolna hai,
Usne kaha ek raaz kholna hai……
Fir sunta raha uski baatein,
Halaki uske shabd thodi tayyari lagti thi,
Wo jhooth kehte hui bhi pyaari lagti thi !!
Wo sachai kehti ya sirf mann behlaati thi,
Samne khush kr deti, aandar se rulati thi !!
Uske ye sabd, jo mere hi andar dil-o-jaan se samai thi,
Ki kal raat, mohabbat milne aayi thi !!

Gumshuda dil ko, fir se kyu bajate ho,
Chale jane ke baad bhi, usko kyu dukhate ho,
Gol gol baatein to kr li tmne,
Ab batao, Mujhse kya chahte ho !!
Kaha usne, ki mujhe pana hai,
Maine kaha, yaha nahi koi thikana hai,
Usne kaha, ek naya aashiyana bna lungi,
Pyaar ka diya jo bujh gaya hai,
Usse dobaara jala lungi……
Fir maine roka usko, aur kaha,
Kya jarurat hai dobaara ashiyaane ki,
Jarurat hai, yaadon ko thikane ki,
Aur ab kya kroge kisi bahane ka,
Jab ek baar nazar lagg chuka tha zamaane ka !!
Mai chla gya waha se ye jawaab dekar,
Usne rok rakha khud ko ek aas dekar,
Ki kya hua hmare beech, ye kisi ko matt btana,
Bas khud samjhna, aur kabhi wapas laut kr matt aana !!
Mere ye sabd, jo mere hi andar dil-o-jaan se samai thi,
Ki kal raat, mohabbat milne aayi thi !!