అమ్మా తల్లి బతుకమ్మ
అమ్మా తల్లి బతుకమ్మ
భక్తులను కాపాడే జేజమ్మ.
నీపూజ చేస్తాము బతుకమ్మ
తప్పులను క్షమించు బతుకమ్మ.
ఎల్ల వేళలా బతుకమ్మా
మమ్మల్ని రక్షించు బతుకమ్మ
తంగేడు పూలతో బతుకమ్మ
అందంగా చేస్తాము బతుకమ్మా
పెద్దపెద్దగా బతుకమ్మ
ముస్తాబు చేస్తాము బతుకమ్మా
ఆట పాట తో బతుకమ్మ
ఊరూరా నిండెను బతుకమ్మ
ఆడవాళ్లు అంతా బతుకమ్మ
ఊరంతా ఆడెను బతుకమ్మ
ఊరూరా జరగాలి బతుకమ్మ
ప్రతిఇంటా ఉండాలి బతుకమ్మ
సంతోషం నిండాలి ప్రతిఇంటా
ప్రతి ఏటా రావాలి మా ఇంటా
రచన
డా. గుండాల విజయ కుమార్
