शहीदों लाल सलाम

राजहरा के इतिहासों में,
अमर होगे तोर नाव।
लाठी गोली ले नइय डरेव तुम,
हांसत देदेव जान।
शहीदों लाल सलाम, सलाम
शहीदों लाल सलाम . . . . . .
बलिदानों के ये धरती तो,
लाल में लाल रंगे हे।
दुल्हन जइसे सजे हे पर ये,
खुन ले मांग भरे हे।
शहीद अनुसोइया, जगदीश भइया,
हक अधिकार ब, रिहिन लड़इया।
शहीद सुदामा, सोनऊ भइया,
लहु देके दिन, निर्मल छंइया।
टीभू राम होके कुरबान।
शहीदों लाल सलाम . . . . . .
इहां माटी इहां के पानी,
पवन ये खुशबु लाथे रे।
अमर शहीदों के कुरबानी,
के जीवन गाथा गाथे रे।
राम दयाल, समारू भइया,
फौजी रिहिन, खदान कमइया।
डेहर,जयलाल के शान।
शहीदों लाल सलाम . . . . . .