लोवर टी शर्ट पहिन खेल तारी गोली
अंग्रेजी एक्शन से बोल तारी बोली
लोवर टी शर्ट पहिन खेल तारी गोली
आठ बजे सुत के उठे ली बिहाने
कुछ कहला पर लाठी डंडा ताने
खाना ना बनैहे लकड़ी लवना पर
चाय बिस्कुट चाही बिछौना पर
सुतले -सुतले मारे ली सबके टिबोली
लोवर टी शर्ट पहिन खेल तारी गोली
हर महिने नया-नया कपड़ा मागेली
देरी भइल त सबका के हाबेली
समोसा, पकौड़ी खाये रोज बाजार जाली
चूल्हा पर से अधपकले खाना खाली
विना फगुआ के खेलत रहेली होली
लोवर टी शर्ट पहिन खेल तारी गोली
बेमतलब के लोग से अझुराली
सब लोग कहे आवारा,मवाली
ठठ्ठा मारेली बेशर्म बेहयाई से
तनको नइखे लाज जगहसाई से
हवा में लहरावेली मुंडी के बाल खोली
लोवर टी शर्ट पहिन खेल तारी गोली
नूर फातिमा खातून “नूरी”
जिला- कुशीनगर
उत्तर प्रदेश
मौलिक स्वरचित
