भवानी जल्दी आउ नेऽ…
भवानी जल्दी आउ नेऽ…
(मैथिली भगवती गीत)
~~°~~°~~°
अहांकेऽ सेवक करए पुकार, भवानी जल्दी आउ नेऽ,-३
एहेन भूल कोन भेल हे जननी , कष्ट मिटाऊ नेऽ ,
बिगड़ल अछि सभ काज हे माते ।
नैन तऽ खोलु नेऽ..
अहांकेऽ सेवक करए पुकार…
कतेक दुःख हम सहब हे माता, संकट टारु नेऽ,
निष्ठुर भेलहुँ किया जगदम्बे – २
भाग्य सुधारु नेऽ।… भवानी जल्दी आउ नेऽ…
अहांकेऽ सेवक करए पुकार…
कारण कोन भेल जग जननी – २
सेऽ हम जानी नेऽ,
विनती सुनु अज्ञान हृदय केऽ – २
तिमिर मिटाऊ नेऽ ।
भवानी जल्दी आउ नेऽ…
अहांकेऽ सेवक करए पुकार…
भवानी जल्दी आउ नेऽ
भवसागर में डुइब रहल छी, प्राण बचाउ नेऽ
अहांकेऽ शरण केऽ छोड़ि, अम्बिके – २
आओर आसरा नेऽ ।… भवानी जल्दी आउ नेऽ..
अहांकेऽ सेवक करए पुकार…
मौलिक एवं स्वरचित
सर्वाधिकार सुरक्षित
© ® मनोज कुमार कर्ण
कटिहार ( बिहार )
तिथि – १३ /०२/ २०२२
माघ, शुक्ल पक्ष , द्वादशी ,रविवार
विक्रम संवत २०७८
मोबाइल न. – 8757227201
