Sahityapedia
Login Create Account
Home
Search
Dashboard
Notifications
Settings

“भईया के पेट खराब रहल”

कुछउ उनसे बात करि त ,
बिखिन भरल जवाब रहल,
बीस कोन के मुँह बनावस,
भइया के पेट खराब रहल।

सूरज के जब चाप चढ़ल
गर्मी से सभे बेहाल रहल,
पेट में केतना आग रहल,
ना पूछीं कइसन हाल रहल।

कबहु भीतर, कबहु बाहर,
दउर दउर दिन रात कटल।
बेरि-बेरि कि केतना बेर,
का कही ना हिसाब रहल।

उठ जाए उ तड़के तड़के,
रह जाये कुछ छीटें पड़के,
गरज तड़प के बादल बरसे,
तड़क भड़क के छूछे भड़के।

पेटसफा और एलोवीरा,
करें उपाय ना कौनो जीरा।
रामदेव और बालम खीरा,
बन जाए बस पेट ई हीरा।

हजमोला ना हजम करे अब,
कौनो असर ना ओकर होला।
लपट उठे एह पेट मे अइसन,
बनि के बमके बम के गोला।

एक रात के बात सुनी,
बस तीन पहर ही बीतल बा।
अधकचरे में नींद खुलल बा,
पेट में अईठन उठल बा।

खोजलें घर में लोटा लाठी,
लोटा मिलल न लउके लाठी।
अन्हारे धुन्हारे गइले पिछुवारे
देखले बोतल खोंसल टाटी।

तेजी में उ लॉएट छोरले।
जइसे तइसे पानी भरले,
झट पाएंट के ढीला कइले,
झप देना तब आगे बढ़ले,

अटकल सांस गले में कब्बे,
स्पीड भईल तब अस्सी नब्बे।
लउके राहि ना देंखें जब्बे।
पेट कहे कि अब्बे तब्बे।

दुईगो कुकुर आहट पाके,
एन्ने ओने लगलसन झाँके
अबरा-झबरा तरनइले सन,
शेरुवा भोकलस फुरनाके।

सुनि के कुकुरन के भोंपा,
दउरल मनई के झोंपा,
लाठी लेके झगरू कहले,
अइलस डाकू दउर सोखा।

दुई लबदा जब देह पे गिरल,
घाव लागल करीआंव में,
लईकाचोर ई धरकोसवा ह,
भईल तमासा गाँव मे,

आहि रे दादा आहि रे माई,
हमिह हई हो झगरू भाई,
जनि हमके मारो हो सोखा,
अनझिटके में भईल धोखा।

अजीब तहनी के लीला बा,
भाई पेटवे ह तनि ढीला बा,
हई देखअ हाथ मे लोटा बा,
और हाथ गोड़ सब गीला बा।

कहत रहनी ह कहिया से,
भइया का बात बुझाई ना,
डोल-डाल के गरज रहे त,
खुले में शौच के जाई ना,

आप सभी से का बतलाई,
केतना दरद ना गिनती बा,
एके गो उपाय करि बस,
हाथ जोड़ के विनती बा,

घर में शौचालय बनवाई,
ना तनिको पाखण्ड करीं।
इज्जत आपन बचा के राखी,
खुले में शौच अब बन्द करीं।
✍🏻सुजीत पाण्डेय©️
पडरौना,कुशीनगर
9696904088

135 Views
You may also like:
ये कैसा धर्मयुद्ध है केशव (युधिष्ठर संताप )
VINOD KUMAR CHAUHAN
कभी-कभी / (नवगीत)
ईश्वर दयाल गोस्वामी
जैसे सांसों में ज़िंदगी ही नहीं
Dr fauzia Naseem shad
मेरी तकदीर मेँ
Dr fauzia Naseem shad
बरसात की छतरी
Buddha Prakash
किसकी पीर सुने ? (नवगीत)
ईश्वर दयाल गोस्वामी
मैं कुछ कहना चाहता हूं
सुरेन्द्र शर्मा 'शिव'
मेरे पिता
rubichetanshukla रुबी चेतन शुक्ला
रूखा रे ! यह झाड़ / (गर्मी का नवगीत)
ईश्वर दयाल गोस्वामी
चलो दूर चलें
VINOD KUMAR CHAUHAN
छोड़ दो बांटना
सुरेन्द्र शर्मा 'शिव'
अब भी श्रम करती है वृद्धा / (नवगीत)
ईश्वर दयाल गोस्वामी
पिता
विजय कुमार 'विजय'
जादूगर......
Vaishnavi Gupta
ग़ज़ल /
ईश्वर दयाल गोस्वामी
अनामिका के विचार
Anamika Singh
कुछ दिन की है बात ,सभी जन घर में रह...
Pt. Brajesh Kumar Nayak
छीन लेता है साथ अपनो का
Dr fauzia Naseem shad
पंचशील गीत
Buddha Prakash
मिठाई मेहमानों को मुबारक।
Buddha Prakash
न जाने क्यों
Dr fauzia Naseem shad
अब और नहीं सोचो
सुरेन्द्र शर्मा 'शिव'
बहुमत
मनोज कर्ण
मेरी भोली ''माँ''
पाण्डेय चिदानन्द
ज़िंदगी को चुना
अंजनीत निज्जर
गुमनाम मुहब्बत का आशिक
श्री रमण 'श्रीपद्'
तुमसे कोई शिकायत नही
Ram Krishan Rastogi
मुझे आज भी तुमसे प्यार है
Ram Krishan Rastogi
तू कहता क्यों नहीं
सुरेन्द्र शर्मा 'शिव'
सोलह शृंगार
श्री रमण 'श्रीपद्'
Loading...