“ फेसबुक “

डॉ लक्ष्मण झा “ परिमल “
=================
चमकब त चमकैत रहू ,
महकब त महकैत रहू !
आँगन आहाँ कें अछि ,
गमकब त गमकैत रहू !!

राग भैरवी गाऊ कि मल्हार आहाँ गाबि लिय ,
नृत्य आहाँ क लिय कि आँगन मे घूमि लिय !
राग भैरवी गाऊ कि मल्हार आहाँ गाबि लिय ,
नृत्य आहाँ क लिय कि आँगन मे घूमि लिय !!

नाचब तखन नचैत रहू ,
बिहूसब त बिहुसैत रहू !
आँगन आहाँ केँ अछि ,
गमकब त गमकैत रहू !!

नाम जखन लिखा गेल योध्या आहाँ कहा लेलहूँ ,
फेसबुक रंगमंच पर अपन पताखा फहरा लेलहूँ !!
नाम जखन लिखा गेल योध्या आहाँ कहा लेलहूँ ,
फेसबुक रंगमंच पर अपन पताखा फहरा लेलहूँ !!

नुकायल छी त नुकैले रहू ,
देखबैत छी त देखाबैत रहू !
आँगन आहाँ केँ अछि ,
गमकब त गमकैत रहू !!
चमकब त चमकैत रहू ,
महकब त महकैत रहू !
आँगन आहाँ कें अछि ,
गमकब त गमकैत रहू !!
===================
डॉ लक्ष्मण झा “परिमल ”
साउंड हेल्थ क्लिनिक
एस ० पी ० कॉलेज रोड
दुमका
झारखंड
17 .10 .2021