” फेसबुकक महान युग पुरुष “
डॉ लक्ष्मण झा “ परिमल “
=================
हमर यश पताखा फहिर गेल चहूदिश
अप्पन उपलब्धि कें बखान
सब तरि हम कऽ रहल छी !
अप्पन भंगिमा कें क्षणे -क्षणे
प्रदर्शित कऽ
अगिया बेताल बनि नाचि रहल छी !!
नहि अछि हमरा स्नेह ,
आनक कोनो कविता सं
नहि अछि अनुराग
कोनो कविता पाठ सं !
हमरा नहि अछि समय एतबा
पढब …सोचब..
आर लिखब अपना माथ सं !!
हमरा चाहि निज प्रशंसा
आन जे लोग करताह !
आरतीक थारी भरि कऽ
तिलक हमर भाल करताह !!
उर सं लगाबैथ लोग हमरा
सष्ठांग दंडवत, प्रणाम , हार्दिक
शुभेच्छाक
हम अधिकारी भेलहुँ !
हम बुझैत छी युग पुरुष
श्रेष्ठ छी…योग्य छी
हम सदेव भारी भेलहुँ !!
मित्रताक मंत्र
हम सब बिसरि गेल छी !
आत्मीयता ,सम्मान ,स्नेह ,सत्कार
हम सब निगलि गेल छी !!
=================
डॉ लक्ष्मण झा “ परिमल “
साउंड हैल्थ क्लीनिक
एस 0 पी 0 कॉलेज रोड
दुमका,
झारखंड,
भारत
