“ पेंडिंग पोस्ट ”

डॉ लक्ष्मण झा परिमल
================
मन भेल हमहूँ
कोनो नीक
मैथिली ग्रुप क
सानिध्य प्राप्त करि
मिथिला, मैथिल
आ मैथिलीक
लेल हमहूँ किछु
हृदय सँ काज करि
सब योगदान
अपन -अपन
योग्यता अनुरुपें
मैथिली केँ करैत छथि
मिथिलाक
उत्थान क लेल
बहुत गोटे साहित्यिक
रचना रचैत छथि
हमहूँ बड्ड
यत्न सँ अपन
रचना मे शिष्टता ,
माधुर्यता भरैत छी
लोक सब
पढ़ताह आ स्नेह,
आशीष, प्रेमक
आभास हम करैत छी
मुदा संदेश
जखन जनमानस
धरि इ पहुँचय मे
अकुला केँ रहि जायत
भाषा ,ज्ञान ,
संस्कृति ,सभ्यता
सदिखन कुंठित भऽ
कोप भवन मे रहि जायत !!
==================
डॉ लक्ष्मण झा परिमल
साउन्ड हेल्थ क्लिनिक
एस 0 पी 0 कॉलेज रोड
दुमका
झारखंड
29.07.2023