चारु
विधाता छन्द
iss sis ssi sss iss s
———————
चारु
तुसारोको चिसोमा आज तिम्रो याद आयो झन्
चिसो हावा चलेकोले पुरै काया कमायो झन् ।
हिमाली भेगकी छोरी म जाडोले छु कामेकी
चिसो पानी र तिम्रो यादले होस् नै उडायो झन् ।
मकैको बोटमा ओझेल पर्दै यो चिठी लेखें
हुलाकीले चिठी यो दिन्न झैं लाग्यो डरायो झन्।
नराम्रो काम गर्नेले दिनै सम्मान थापेको
इमानी जो छ कारागार उल्टै पो पठायो झन् ।
दिदी वैनी कतै लाग्यो कि बाटोमा शराबीले
नराम्रो शब्द बोली लाजमर्दो नै बनायो झन् ।
• देवी पन्थी
————
