देइदऽ दर्शन तू करऽ उपकार...... !!
#भोजपुरी_गीत
~~~~~~~~~
तोहरे रूपवा के होई कब दिदार, बिमार मोर मनवा भइल।
देइद दर्शन तू-२ करऽ उपकार, बिमार मोर मनवा भइल।
एक हि झलकऽ बदे भइनी पपिहरा ।
तोहरे दरसऽ बदे तरसेला हियरा।
गोरी भरि लेतू-२ आके अँकवार , बिमार मोर मनवा भइल।
देइदऽ दर्शन तू करऽ उपकार…… १!!
रूपवा में तोहरे बा गजबे आकरसन।
मन कहे करीं तोहे जीवन ई अरपन।
मन के मंदिर तू-२ जईतू पधार, बिमार मोर मनवा भइल।
देइद दर्शन तू करऽ उपकार……..२!!
रूपवा निरेखि के निरोग होई काया।
एही से तू बुझिल बा तोहर का माया।
आके घुंघटा-२ हटाव ओहार, बिमार मोर मनवा भइल।
देइद दर्शन तू करऽ उपकार………३!!
तोहरे पिरितिया में भइनी वियोगी।
हम के बनवलू तू काहे प्रेम रोगी।
रोग लागल ई- २ बड़हन बेकार, बिमार मोर मनवा भइल।।
देइद दर्शन तू करऽ उपकार……… ४!!
नेहिया के डोर रानी तोहसे बा लागल।
मिलतू कहती मोर भगिया बा जागल।
येतने देइ द तू-२ हमें उपहार, बिहार मोर मनवा भइल।।
देइद दर्शन तू करऽ उपकार……… ५!!
✍️ संजीव शुक्ल ‘सचिन’