बुन्देली दोहा – ओट
#बुंदेली_दोहा – #ओट
नईं बऊ #राना ओट लयँ,घूँघट लामौ काड़।
गैरी कौनउँ है खटक,गयी बात खौं ताड़।।
सास-ससुर चरचा करै,सुन रइ बउँ ल़यँ ओट।
औगुन ऊकै गिन रयै,#राना कितनी खोट।।
#राना चमचा ओट लयँ,नेतन के पर पाँव।
चुखरयाइ सबरे करत,परेशान है गाँव।।
केंड़ा भेंड़ा तिरपटा,लयँ रत आँखन ओट।
नाँय माँय देखत लगत,करत सामने चोट।।
नेता भी पुटयात है,माँगत #राना वोट।
लालच बाँटत हर गली,सेवा की लयँ ओट।।
*** दिनांक -24-2-2025
✍️ #राजीव_नामदेव”#राना_लिधौरी”
संपादक “#आकांक्षा” पत्रिका
संपादक-‘#अनुश्रुति’त्रैमासिक बुंदेली ई पत्रिका
जिलाध्यक्ष म.प्र. #लेखक_संघ टीकमगढ़
अध्यक्ष #वनमाली सृजन केन्द्र टीकमगढ़
नई चर्च के पीछे, शिवनगर कालोनी,
टीकमगढ़ (मप्र)-472001
मोबाइल- 9893520965
Email – ranalidhori@gmail.com
