ई कइसन भगताई अवधू ई कइसन भगताई

ई कइसन भगताई अवधू ई कइसन भगताई

सरस्वती,लक्षमी,दुर्गा,छठि,इनिके कहल जात माई हो
इनिके कहल जात माई
इनिके पूजा भक्त करें कुल फूहड़ गीत गवाई
अवधू ईकइसन भगताई

सरस्वती,दुर्गा पूजा में मूरति जात रखाई हो
मूरति जात रखाई
मूर्ति भसावे चलें भक्त दारू भरपूर चढ़ाई
अवधू ई कइसन भगताई

चरित्रवान बजरंग बली जी करें राम सेवकाई हो
करें राम सेवकाई
उनका आगे आर्केष्ट्रा वालिन के देत नचाई
अवधू ई कइसन भगताई

सावन भर देवघर में जालें लहसुन प्याज बराई हो
लहसुन प्याज बराई
बितते सावन बकरी,मछरी सब देलें महँगाई
अवधू ई कइसन भगताई

नव दिन व्रत नवरात्रि रहें कुल घर, आगँन लिपवाई हो
घर आगँन लिपवाई
दसवें दिन कुटिया खाए खतिरा जालें खखुआई
अवधू ई कइसन भगताई
अवध किशोर ‘अवधू’
मोबाइल नंबर 9918854285
दिनांक03 -02-2025