യാത്രാമൊഴി.
യാത്രാമൊഴി.
**********************
എന്തിത്ര വേഗത്തിൽ വിട്ടുപോയ് ഞങ്ങളെ എൻ ബാല്യകാലത്തിലെ കൂട്ടുകാരാ…..
ഇല്ലകഴിയുന്നുമില്ലെനിക്കൊട്ടുമേ…..
നിന്റെയീവേർപാടു വിശ്വസിക്കാൻ….
പള്ളിക്കൂടത്തിൽ പഠിക്കുന്ന കാലത്തു
നമ്മൾ ഒത്തുകളിച്ചു നടന്നതല്ലേ…..
തമ്മിൽ പിണങ്ങിയും കാര്യങ്ങൾ ചൊല്ലിയും എത്ര നാളൊത്തു നടന്നുനമ്മൾ.
ഞങ്ങളെ നോക്കിച്ചിരിക്കാതെ മിണ്ടാതെ….ഇന്നു നീ നിദ്രയിൽമുഴുകി
ക്കിടക്കുമ്പോൾ
“ഇന്നു ഞാൻ നാളെ നീ” എന്നുള്ളൊരാസത്യം
ഉൾക്കിടിലത്തോടെയോർത്തുപോയി.
ഞാൻ ഉൾക്കിടിലത്തോ-
ടെയോർത്തുപോയീ…
നിറയുന്ന കണ്ണുകൾ മറ്റാരും കാണാതെ
കൈവിരൽ തുമ്പിനാൽ തുടച്ചു മാറ്റി.
എങ്കിലും കണ്ണുകൾ വീണ്ടും നിറയുന്നു
എൻ കൂട്ടുകാരാ നിൻ ഓർമകളാൽ…..
ഇന്നലെകൂടി നീ പോയതല്ലേ….
ഈ പള്ളിയിൽ പ്രാർത്ഥനചെയ്തിടാനായ്.
ഇന്നു നീ ഈ പള്ളി മുറ്റത്തുറങ്ങുമ്പോൾ
എൻ നെഞ്ചകം വിങ്ങിവിതുമ്പിടുന്നു.
എല്ലാരും എത്തുന്നിടത്തു നീ പോയല്ലോ…
എൻ ബാല്യകാലത്തിലെ കൂട്ടുകാരാ….. അശ്രുബിന്ദുക്കളാൽ നൽകുന്നു ഞാനിന്നുനിനക്കായി മാത്രമീ
യാത്രാ മൊഴി ….
ഹീരാ ഷണ്മുഖം. 💕
