हमार भोजपुरी सबसे मिठ भाषा बा
सैकड़ों भाषा बाडी हमरा देश में
हजारों बोली बोललजाडी इहवा
पर हमरा के त अपना माटी से
प्यार थोडा ज्यादा बा
हम साचों कहतानी
हमार भोजपुरी सबसे मिठ भाषा बा
एहीमे बाबुजी के आशीर्वाद रहेला
माई के ममता और दुलार एहमे बा
कबो कउनो जवान गोरी लेखा सूनर त
कबो कोरा कागज लेखा सादा बा
हम साचों कहतानी
हमार भोजपुरी सबसे मिठ भाषा बा
कबो इ फगुआ और होली के लोकगीत होली
कबो उ भजन जउना मे बसल कान्हा राधा बा
कबो ई जीजा साली, देवर भाभी के नोकझोंक ह
त कबो मरते दम तक साथ निभावे वाला वादा बा
म साचों कहतानी
हमार भोजपुरी सबसे मिठ भाषा बा
