” मतदान-पर्व की झलकियाँ-2022 “
बिटिया हु डारै, बहुरिया हु डारै,
बोट डारै, लरिकवा हमार,
चहै कोऊ, काछू कहै।
लम्बी लाइनवा, पसीना छलकि गै,
बोट डारिसि, घरैतिन हमार,
चहै कोऊ, काछू कहै।
बाबा सवेरे से, बनि-ठनि कै घूमैँ,
पै लगाए हइँ, चश्मा हमार,
चहै कोऊ, काछू कहै।
हारी-बिमारी है, केहिका न आवत,
दादी आईँ हुइ, खटिया सवार,
चहै कोऊ, काछू कहै।
मँडप से सीधेइ, बहू लै पहुँचि गै,
हइ गजब पायौ, हमने भरतार,
चहै कोऊ, काछू कहै।
होरिया मनावैँ, दिवरिया मनावैँ,
हम मनावैँ, जु बोटवा त्यौहार,
चहै कोऊ, काछू कहै।
मुद्दउ बहुत हँइ, वादेउ बहुत हैं,
झूठ कै “आशा”, सजि गै बजार,
चहै कोउ काछू कहै।
एहकिउ सुनेन अरु, उहिकिउ सुनेन हम,
बोट डरिबा, जु मन माँ हमार,
चहै कोऊ, काछू कहै..!
—–//——–//———//———//——–//——
रचयिता-
Dr.asha kumar rastogi
M.D.(Medicine),DTCD
Ex.Senior Consultant Physician,district hospital, Moradabad.
Presently working as Consultant Physician and Cardiologist,sri Dwarika hospital,near sbi Muhamdi,dist Lakhimpur kheri U.P. 262804 M.9415559964
