भुला गईलु
दिलवा लगाके काहे भुला गइलू |
भईल केवन कसूर काहे कोहा गइलू |
तोड़ दिहलु दिलवा काँच के टुकड़ा जईसन |
लगे सुरतिया टोहार चाँद के मुखड़ा वईसन |
छोड़ी हमके काहे रुला दिहलु |
दिलवा लगाके काहे भुला गइलू |
पवन झंकोरा उड़े केसिया बड़ा निक लागे |
चमचम चमके लाल बिंदिया बड़ा निक लागे |
कोमल दिलवा ठोकर लगा गइलू |
दिलवा लगाके काहे भुला गइलू |
आवा तोहे दिलवा के रानी हम बनाइब |
प्रेमवा के गितिया गाई के हम सुनाइब |
बिना रे कसूर काहे दगा दिहलु |
दिलवा लगाके काहे भुला गइलू |
सथवा निभाइब हमसे किरिया खियाला |
छोडब नाही संग तोहरो बतिया पतीयाला |
केवन सवरिया गोरी लोभा गइलू |
दिलवा लगाके काहे भुला गइलू |
