::बेवफा::

::बेवफा::
(वीरवार, 30 मार्च 2023)

सबतै हसकै बतलाया ना कर
दुनिया का ध्यान घणा होज्यागा।
खूबसूरत चेहरा नहीं दिल हो सै,
बेमतलब अभिमान घणा होज्यागा।।
आहिस्ता सी लारे दे कै छोड़िये,
बेवफा अहसान घणा होज्यागा।
एकदम छोड़ देगी तो जान-माल, बेकार का नुकसान घणा होज्यागा।।
शराफत तै जीण दे ना छेड़ दर्द पुराणे,
यो नर्म सुभा छोड़ दिया तो शैतान घणा होज्यागा।।
इतणा कमजोर कामचोर लाचार क्यूँ समझया,
बहम सै के “सुनील सैनी” बिराण घणा होज्यागा।।
ज्यावै तो बात का तोड़ करकै जा,
हकीकत म्ह डर म्ह मन परेशान घणा होज्यागा।।
सबतै हसकै बतलाया ना कर……..

©सुनील सैनी “सीना”,
राम नगर, रोहतक रोड़, जीन्द(हरियाणा)-१२६१०२.