” पितामह भेलाह बेल्लला “

डॉ लक्ष्मण झा ” परिमल ”
=====================
जहिना -जहिना उम्र बढैत छैक अनुभव क पिटारा भरल जाइत छैक ! ओरिया कें रखने रहित छी ! यदा -कदा प्रयोजन क अनुसारें बाहरि निकलि छिडिया दैत छी .जे लोकताह से लोकथ अन्यथा प्रदर्शन उपरांत पुनः नेपथ्य मे विलीन भऽ जायत !
समय बदलि गेल ! आब हमरालोकनि कें लोक सामाजिक ” भीष्म पितामह ” बुझैत छथि !
” हम जे करब ..जे पहिरब ..जेना रहब सेएह हिनका मानय पडतनि ..आब त हिनका ” धृतराष्ट्रक ” भूमिका में रहबाक चाही ! ” हो बाबू हमरा -“स्वीकार अछि ..स्वीकार अछि ! ”
पुत्र लोकनि विभिन्य प्रान्त मे रहित छथि ! आइ हुनकर जन्म दिन ..काल्हि कनिया लोकनिक ..फेर सगाई क सालगिरह ..बच्चा कें जन्म दिन ..इत्यादि इत्यादि सम्पूर्ण साल धरि लागल रहित अछि ! भीष्म पितामह जे भेलहुँ सबकें जन्मदिन आ सालगिरह याद रखबाक अछि ! फोन करू ..विडियो कॉल करू …जन्मदिनक आ सालगिरह क शुभकामना दिय !–
” इ हमर वर्षगांठ अछि ..हमरा आहांलोकनि आशीर्वाद आ शुभकामना दिय ! ”
अखनो धरि हमरा अख्यास अछि ! अप्पन जन्म दिन ,विवाहक सालगिरह आ कोनो शुभ अवसर पर घरक पैघ लोकनि कें सुति उठि कें हमरालोकनि प्रणाम करैत छेलियनि आ हुनका लोकनिक आशीष प्राप्त होइत छल ! आब हमरालोकनि ” भीष्म पितामह” त बनि गेलहुं मुदा कनि हिनका पुछि लिय —
” आहां क़ अप्पन धृतराष्ट्र आ गांधारी व पितामह क जन्म दिन याद अछि ?..हुनकर विवाहक दिन याद अछि ?..वो कहिया ज्वाइन केलनि अप्पन नौकरी मे ?…कहिया सेवानिवृत भेलाह ?..
संभवतः एहन लोक कें अप्पन आंगुर मे गिनि सकैत छी ! ” ..हमरालोकनि भीष्म पितामह आ धृष्टराष्ट्र कें “बेल्लला “बनौने छी ! इ छोट -छोट गप्प नहि थिक अपितु हमरा आभास होइत अछि जे भावी पीढ़ी कतो आहुंकें ” बेल्लला” नहि बना दिये !!
===========================
डॉ लक्ष्मण झा ” परिमल ”
दुमका