**** नोकरी वाळो ****
बण्यो नोकरी वाळो छुटको बडे ने ऐसो खटक्यो
टाबर टोळी उण रा पहरे सूटबूट अर टाईयां
म्हारे टाबरियाँ न कोनी छींट छांट का गाबा
छुटके री घरवाली पहरे सिल्क रेशमी साड़ी
म्हारी घरवाली ने कोनी चूनड़ राजस्थानी
हूँ मेहनत मजदूरी कर टाबरियाँ न पाळु
जद देखूँ छुटके रा टाबर मम डेड यूं बोले
म्हारा टाबर अजू बोले है माँ बाप री बाणी
म्हारे मनडे में आवे है पढस्यूंयूं टाबरियाँ ने मैं भी
बणेगा बै भी एक दिन अफसर छुटके री भाँति
बांका टाबर-टोळी भी ग्रांड-फ़ा जद कहसी
बण्यो नोकरी वाळो छुटको बडे न ऐसो खटक्यो ।।
?मधुप बैरागी
