नेपाली कथा : वान्डर बोका !

●दिनेश यादव ~~~•••~~~
एक पटकको कुरा हो, एउटा गाउँमा ‘वान्डर’ नाम गरेको एउटा बोका थियो। ‘वान्डर बोका’ अत्यन्तै चलाख र टाठोबाठो थियो ।

एक दिन, गाउँको सबै जनावरहरूले एउटा ठूलो प्रतियोगिता आयोजना गर्ने निर्णय गरेछ। प्रतियोगितामा विभिन्न प्रकारका चुनौतीहरू समावेश गरिएका थिए – दौड, झुण्डिने र उफ्रिने। सबै जनावरहरू यो प्रतियोगितामा सहभागी हुन उत्साहित थिए।

पहिलो चुनौती थियो- दौड। सबै जनावरहरू लाइनमा उभिए, प्रतियोगिता सुरु भयो। ‘वान्डर बोका’ले आफ्नो सबै शक्ति लगाएर दौड्यो, तर एकाएक एउटा ठूलो घाँसे मैदानमा ऊ अड्किएछ। सबै जनावरहरू अघि बढ्दै गर्दा, ‘वान्डर बोका’ले सोच्यो, ‘अब मैले के गर्ने?’

उसले तिनै घाँसको उपयोग गरी एउटा उफ्रिने प्लेटफर्म बनाएछ, त्यसको सहाराले ऊ तीव्र गतिमा अघि बढेछ। अन्य जनावरहरू उसको यो चलाखी बुझ्नै सकेनन् ।

अर्को चुनौती थियो- झुण्डिने। ‘वान्डर बोका’ले एउटा परिपक्क लहराको खोजी गर्यो, त्यसैको सहाराले अग्लो रुखमा ऊ झुण्डिएछ। यसरी उसले प्रतियोगिताको यो चुनौती पनि पार गरेछ। लहरा चाहीं गजबको सहारा बनेछ ।

अन्तिम चुनौती थियो -उफ्रिने। ‘वान्डर बोका’ले अरूलाई छक्याउने गरी एउटा योजना तयार गर्यो । त्यो योजना थियो- झिना,मसिना र कस्मेटिक कुरामा अन्यलाई अल्झ्याई आफ्नो बठ्याईबाट अधिकतम् उफ्रिन सक्ने धावनमार्गको उपयोग गर्नु र लक्ष्य प्राप्त गर्नु ….।

नजिकै रूखमा बसेको एउटा बकुला अत्यन्तै शान्त र मौन बसेर यी सबै हेरिरहेका थिए । प्रतियोगिता समाप्तिको घोषणा संगै सबै आ-आफ्नो बाटो लागिरहेकै बेला – ‘बकुला एकाएक चिच्यायो-प्रतियोगितामा चलाखी भयो !’ सबैजना बकुलातिर हेर्दै भन्यो, ‘कस्तो चलाखी ….?’ बकुला बोल्यो,’ वान्डर बोकाले चलाखी गरी प्रतियोगिता जित्यो …! ‘ सबै गम्भिर मुद्रामा घर पुग्दै धेरै चिन्तन र मननपछि ‘वान्डर बोका’ ले बठ्याई र चलाखी गरेको निस्कर्षमा पुगेछन् ।

निस्कर्ष : चलाखी र बठ्याई गर्नेहरूको पोल एकदिन अवश्य खुल्छ ! 😊 #moral #MoralStory #moralvalues #MoralLessons #lifeisgood #lifeisbeautiful #goodstory #nepalireels #nepali #Dineshyadav #फकिरा #दिनेश_यादव