दिस इज हई का ह दिस इज हउ का है

उत्तर परदेश का ह और लखनऊ का ह।
ई भैया आजुमगढ़ का ह ,ई मऊ का ह।
भैया विदेश से इन्ग्रेजी सीखे है सबसे कहत हैं,
दिस इज हई का ह ,दिस इज हउ का है।
हालत खराब हो जाई ,जब हम पनिया के वाटर कहब।
घरवा के हाउस कहब और कमरा के क्वाटर कहब।
सब लोग काऊ कहा ई गऊ- गऊ का ह।
दिस इज हई का ह ,दिस इज हउ का है।
जब हम झन्नाटेदार इन्ग्रेजी, उहा बोलत रहलीं।
ई अउवा पौवा नाही ,इंग्रेजी बॉटल खोलत रहलीं।
बार्ली से बनेला हम जानेली, ई जऊ का ह।
दिस इज हई का ह ,दिस इज हउ का है।
-सिद्धार्थ पाण्डेय