“ थैंक यू ( THANK YOU)”
मैथिली
( मात्र व्यंग )
डॉ लक्ष्मण झा “ परिमल “
==================
इच्छा बद्द होइत अछि
सब हमरा लोक
बधाई ,शुभकामना
आ नीक संदेश लिखि
हमरा पठबैत रहथि !!
जन्म -दिनक हो
सालगिरह हो
विवाहक वर्षगांठ हो
पौत्र क उपनयन हो
पुत्री क विवाह दुरागमन
गृहक निर्माण हो !!
यात्रा विमानक हम
सबकेँ देखबैत छी !
विदेशक यात्रा खबर
सबकेँ सुनबैत छी !
हम अपन महिस आ
बरद केँ जन्म दिन क
खबरि सब लग पँहुचबैत छी !!
इ हमर सारि भेलिह
आइ 0 ए 0 एस 0
मे पास केलनि
हिनका कनि आहाँ सब
शुभकामना दिओनि !!
हमर सारक चारि बेटी पर सँ
एकटा पुत्र भेलनि
हुनको आशीर्वाद दिओनि !!
हमर आग्रह पर सब
यथायोग्य आशीष ,स्नेह ,
बधाई ,शुभकामना दैत गेलाह
मुदा हमर अकर्मण्यता त देखू
यथायोग्य हम किनको
प्रणाम नहि करैत छी !
आभार ,स्नेहक गप्प त छोड़िए दिय
“ थैंक यू “( THANK YOU) कहि सबकेँ
नेपथ्य मे विलीन भ जाइत छी !!
=======================
डॉ लक्ष्मण झा” परिमल ”
साउंड हेल्थ क्लिनिक
एस0 पी 0 कॉलेज रोड
दुमका
झारखंड
भारत
06.06.2022.
