जीवन ज्योति रे लियां (राजस्थानी)
बहुत गंवायो जाग नर।
धरती बणी उजाड़।।
रूखां बिण कैंयां सरै ।
खुद आपणो उपाड।।
*****************
मायड रा सिणगार सर।
पौधां न अब रोप।।
पालपोस इण विध जिंयां ।
बालक सारु सोप।।
******************
घणो सुरंगो राज्य या।
कहवै राजस्थान।।
सतरंगी सिणगार कूं।
देखे मिनख जहान।।
******************
रंग बिरंगी छाप इण।
त्यौहारां री होय।।
मन मुलके जद अब इणै।
हरियल सूरत होय।।
******************
पेड रोप अर सार कर।
हरियाली नै ल्याय।।
बदलां सूरत राज्य री।
खुशहाली ने ल्याव।।
******************
सूरत सीरत बदल द्यां।
धरती री अब शान।।
जीं से इण री शान पर।
पीढी करै गुमान।।
******************
चेत मानखां चेत अब।
सोच समझ अर पेख।।
बिन हरियाली शान किण।
मानख-धरती-टेख।।
*******************
गरब करां इण रुप पै।
इण बिध करां सुधार।।
जीवन ज्योति रे लियां।
प्राण तत्त्व आधार।।
********************
रचना – रामबाबू ज्योति
रामपुरी कालोनी, गुप्तेश्वर रोड, दौसा, राजस्थान
