Purana Ghar

Aaj ek ghar ko dhehte dekha,
Ek ek etn ko bikharte dekha.
Kitni virasato ko sambhala tha,
Kitni yaado ko sanjoya tha.

Sab kehte the ghar hi kachha tha,
Kuch kehte the bahut hi purana tha.
Waha khada koi jaan na saka,
Uss ghar ki peeda pehchan na saka.

Saalo se seelan ki maar ko seh raha tha,
Aasuo ko reesan ma chhupa raha tha.
Kitni kshatiya thi under uske,
Aasuo ko bas risaav hi samjhe.

Putti ka marham to bahar sab ne lagaya,
Per under ki dararo ko koi kyu dekh na paya.
Kitna dhairya usne khoya hoga,
Girne se pehle kitna roya hoga.

Dekhta hu kai surat tab ye sandeh hota he,
Ki kya ye sirf ghar k saath hota he?