बुंदेली दोहा – दुगइ (दालान)

#बुन्देली दोहा बिषय- #दुगइ

बड़ी दुगइ #राना बनी,अच्छो बनो मकान।
माते को रुतबा बड़ो, सबइ जुहारत आन।।

दुगइ अटारी पौर है,अटा बनैं सिरमौर।
कोठा कुठियाँ चौतरा,#राना घर के ठौर।।

दादी बैठी है दुगइ,कर रइ कछू उसार।
नाती पोता रय किलक,#राना करै निहार।।

दद्दा आय बजार सैं,धरौ , दुगइ सामान।
बाई रयी टटोल है,#राना पत्ता पान।।

बैठ दुगइ फटकारतीं,बाई घर कौ नाज।
कचरा उड़बै दूर रवँ,#राना दें आबाज।।
***-3-2-2025
✍️ #राजीव_नामदेव”#राना_लिधौरी”
संपादक “#आकांक्षा” पत्रिका
संपादक-‘#अनुश्रुति’त्रैमासिक बुंदेली ई पत्रिका
जिलाध्यक्ष म.प्र. #लेखक_संघ टीकमगढ़
अध्यक्ष वनमाली सृजन केन्द्र टीकमगढ़
नई चर्च के पीछे, शिवनगर कालोनी,
टीकमगढ़ (मप्र)-472001
मोबाइल- 9893520965
Email – ranalidhori@gmail.com
#rajeev_namdeo_rana_lidhori
#jai_bundeli_sahitya_samoh_tikamgarh #जय_बुंदेली_जय_बुंदेलखण्ड