Chalo khud se ye wada karte hai,

Chalo khud se ye wada karte hai,
Majboot shilao sa irada rakhte hai,
Chalo ek dusre ki kimat karte hai,
Prem bhaw se purna ho jo,
Aisa len den rakhte hai .
Chalo khud par itna yakin karte hai,
Ki kato se saje raho pe bhi ,
Hausle se kadam rakhte hai.
Rishto ki kadwahat ko kam krke,
Chalo mithas ki buniyad par ugte hai.
Raho ke kankad se takrakar bhi,
Hum apni rah wahi chunte hai.
Ghabrane ki, chhod jane ki aadt ,
Sab khud se ab dur karte hai .
Chalo khud se ye wada karte hai,
Ki hum har sham ki hawao si shital.
Aur suraj ke kirno si tejashwi bante hai .
Chalo khud se ye wada karte hai,
Ki sacchai ki rah par chalkar,
Hum apni manjil chunte hai.