हाय रे महंगाई

कुरसी पर बइठल
हाकिम के
जम्हाई आवअता
महंगाई देखके
जनता के
रोआई आवअ ता…
(१)
देश अउरी समाज से
जुड़ल कवनो सवाल हो
उठावला पर हो जाला
पार्टी में बवाल हो
आलोचना
अंध भगतन के
जग हंसाई लागअता
महंगाई देखके
जनता के
रोआई आवअता…
(२)
बर्दाश्त से बाहर होता
सिस्टम के भ्रष्टाचार हो
हाथ में डिगरी लेके
भटकेला बेरोजगार हो
हर घूसखोर
अफ़सर
निर्मम कसाई लागअता
महंगाई देखके
जनता के
रोआई आवअता…
(३)
बददल जाता भारत अब तअ
नाया पाकिस्तान में
रात-दिन लागल बा मीडिया
हिंदू-मुसलमान में
ई सरकार
शायद ओकर
घर जमाई लागअता
महंगाई देखके
जनता के रोआई आवअता…
#Geetkar
Shekhar Chandra Mitra
#expensiverecharge #महंगारिचार्ज
#बेरोजगारी #गरीबी #भूखमरी #भ्रष्टाचार
#media #दरबारी #राग #पत्रकार #कवि
#जनवादी #क्रांतिकारी #विद्रोही #भाट
#कसीदा #politics #corruption #भोजपुरी