“हमर मित्रता “

डॉ लक्ष्मण झा “परिमल”
===========
आर किछु हुये न हुये ,
विचार त मिलक चाहि !
देखबाक त अवसर नहि,
फेसबुक सं जुड़क चाहि !!
विचारक आदान -प्रदान ,
सबदिन बनल रहय !
प्रेमक मंत्र जाप ,
कान मे पडैत रहय !!
अवसर त मिलनक ,
सम्भव नहि भ सकत !
तइयो आगाध प्रेम ,
लेखनी मे भेटैत रहत !!
कनि यदि अंतर हैत ,
मन मे नहिं आहां राखब !
मृदुलता आ आदर सं ,
बात अपन आहां राखब !!
मित्रताक बनवय लेल ,
समय किछु लैत छैक !
मित्रता कें मिटबय लेल ,
अनफ्रेंड लोग करैत छैक !!
बसुधेव कुटुम्बकम केँ ,
मंत्र आहां याद राखू !
मित्रता रहय सदा ,
तकरे आहां मान राखू !!
================
डॉ लक्ष्मण झा “परिमल”
साउंड हेल्थ क्लिनिक
डॉक्टर’स लेन
दुमका