सैनिक बेटा
सैनिक बेटा
कोरा म बईठारले दाई,
छाती से लगा ले ओ।
कोनजनी लहुट के आहूँ की नी,
हाथ ल माथा म सँवार दे ओ।
अंछरा म लुकाले दाई,
गले से लगाले ओ।
कोनजनी लहुट के आहूँ की नी,
मया अड़बड़ बरसा दे ओ।
जनम मोला दे हस दाई,
तिलक ल सार दे ओ।
कोनजनी लहुट के आहूँ की नी,
एक घ अउ गले लगाले ओ।
ये भुइयाँ के सेवा म दाई,
जांगर ल दे दुहुँ ओ।
भारत माता के रक्षा खातिर दाई,
परान ल अपन दे दुहुँ ओ।
~~~~~~~~~~~~
डिजेन्द्र कुर्रे “कोहिनूर”
पीपरभावना (छत्तीसगढ़)
मो. 8120587822
