शिक्षक बिहार के
शिक्षक बिहार के
काम करस मन मार के,
खिचड़ी खिआवस
अनाज बटवावस
अगोरेलन घर-द्वार के
शिक्षक बिहार के……
प्रवासी के गिनती करीं
नामांकन के विनती करीं
पकड़स कोरोना बीमार के
शिक्षक बिहार के ……
करीं जनगणना
दिहीं हरदम धरना
बड़ी अफसोस भईल कोर्ट से हार के
शिक्षक बिहार के…….
माँग करस राजकर्मी बनीं
पर सरकार हठधर्मी बनी
लड़स लड़ाई आर-पार के
शिक्षक बिहार के ………
चाहे कौनो काम होवे
शिक्षक बदनाम होवे
निति ख़राब सरकार के
शिक्षक बिहार के…….
मानव श्रृंखला बनावस जी -जान से
जागरूक करावस सरकारी अभियान से
मुफ्त माध्यम इहो परचार के
शिक्षक बिहार के……..
सबसे निपुण सबसे गुणवान
जनता के नजर में बड़ी बेईमान
करस घोटाला बोरा फार के
शिक्षक बिहार के……..
शिक्षक बन्धु (बिहार) को सादर समर्पित ।
?????
