भोजपुरी गीत

परिवार खातिर छोड़ले बाटे हमरा प्यार हो
केतना बड़ा करेजा कईले बाटे हमरा यार हो

जीवन के सिंहासन में हो कईले बाने त्याग हो
ऊपर से निष्ठुर बन के हमरा कईले परित्याग हो
काहे विधाता छोड़े खातिर दिहले रहला प्यार हो
खेले वाले पहिले चरण में उठावें बोझ अपार हो
प्रेम त्याग के दुश्मन भाई होई जाला संसार हो
परिवार खातिर छोड़ले बाटे हमरा प्यार हो
केतना बड़ा करेजा कईले बाटे हमरा यार हो

त्याग समर्पण देखी राजा, प्यार चढल परवान हो
त्याग समर्पण ज्ञान बता के, तोड़ दिहा अरमान हो
दुबिधा में तु डाल दिहला, राजा हमरो परान हो
बीच बीच में खींच लेला, राजा सबका धियान हो
दिल से प्रणाम करिला रउवा मिलल संस्कार हो
परिवार खातिर छोड़ले बाटे हमरा प्यार हो
केतना बड़ा करेजा कईले बाटे हमरा यार हो