” फेस बुकक चकाचौंध मे सिसकैत सम्बन्ध “
डॉ लक्ष्मण झा “परिमल ”
========================
इ अद्भूत लोलना
हमरा
भेट गेल
हम संपूर्ण जगत सं जुडी गेलहूँ
जे हमर क्षितिजक
छोर मे भूतला गेल छलाह
तिनको हम साथ लेलहूँ
हम जन्म दिनक
शुभकामना पठा रहल छी
आहाँके लेखनी आ
कार्यशैली कें लाइक आ कमेंट क रहल छी
सदिखन इ जिज्ञाशा होइत
रहैत अछि
के-के सब दिन हमर प्रसंशा
करैत छथि
परन्तु जखन अपन लोक
सोझा मे अबैत छथि
सत्कारक त बात दूर
चिनभो नहि करैत छथि
बुझैत छथि फेसबुक धरि
हम ठीक छी
अपना कें झेलनाइ त पारे नहि लगैत अछि
दूरे हम नीक छी
कहू एहि युग मे ‘वसुधेव कुटुम्बकम’
मंत्र कतय भसिया गेल
सम्बन्ध अपन आरि सं
सत्ते कहू डगमगा गेल !!
==============
डॉ लक्ष्मण झा “परिमल ”
साउंड हेल्थ क्लिनिक
डॉक्टर’स लेन
दुमका
