“ फेसबुक क मैथिल मित्र ”

डॉ लक्ष्मण झा “ परिमल “
=================
मन भेल हमरो ,
मित्र हम बढ़ाबि !
मित्रता क सूची ,
मे नाम लिखाबि !!

चुनि -चुनि केँ ,
रीक्वेस्ट पठेलहूँ !
झा ,पाठक, मिश्र ,
केँ दोस्त बनेलहूँ !!

ठाकुर, राय, सिंह ,
सब मित्र बनलाह !
अपन लेखनी सँ ,
किछु गप्प केलाह !!

कियो HI कहलनि ,
S 2 U कहलाह !
कियो अँगूठा देखा ,
विलीन भ गेलाह !

बहुत कम छथि ,
मैथिली लिखय वला !
बहुत कम छथि ,
मैथिली बाजे वला !!

कियो कियो रोमन ,
में मैथिली लिखताह !
कियो अनडन गप्प ,
मारि चलि जेताह !!

हम नहि कहब ,
आनकेँ तिरस्कार करू !
भ सकय सब केँ ,
आहाँ अंगीकार करू !!

मुदा मैथिल छी त ,
मैथिली बाजल करू !
लिख नहि सकैत छी ,
लिखबाक प्रयत्न करू !!

शालीनता ,शिष्टाचार ,
मिथिलाक शान अछि !
भाषा संस्कृति मे ,
समाहित प्राण अछि !!
=================
डॉ लक्ष्मण झा ” परिमल ”
साउंड हेल्थ क्लिनिक
डॉक्टर’स लेन
दुमका
झारखण्ड
भारत
12. 04. 2022.