नानी
सुना दे हमके
कहानी
राजा रहले
एगो रानी
हो जाई रात सुहानी
नानी…
(१)
गोदी में हमके
बइठाले
दूध-भात के कौर
खिलादे
प्यार के हम भूखल बानी
नानी…
(२)
चुपचाप हम
सो जाएब
मीठ सपना में
खो जाएब
सुनके लोरी तोर ज़ुबानी
नानी…
(३)
हमहूं रहनी
केहू के बबुआ
बड़ी लाडला
अउरी दुलरूआ
होला सोचके हैरानी
नानी…
(४)
तोरे सगरी
दया बा
तोरे सगरी
कृपा बा
आज जवन भी हम बानी
नानी…
(५)
धीरज फेरू
बंधा देते
कवनो राह
देखा देते
हो जाईत दूर परेशानी
नानी…
(६)
जब आवे याद
तोर चेहरा
व्याकुल होला
मोर जियरा
भर जाला
आंख में पानी
नानी…
#Geetkar
Shekhar Chandra Mitra
(A Dream of Love)
#Naani #नानी
