दिहाड़ी मजदूर
ये दुनिया से हमके
उठावतो नइखअ
अपना लगे हमके
बुलावतो नइखअ…
(१)
का ए भगवान तू
कहां सुतल बाड़
जंजाल से हमके
छुड़ावतो नइखअ…
(२)
भूखाइल परिवार
बाट जोहत होई
कइसे घरे लौटेब
बतावतो नइखअ…
(३)
देखअ सुरूज होदे
अब मुड़ी पर आइल
कवनो काम हमके
दिलावतो नइखअ…
(४)
तू हूं सरकार नीयन
का बेदर्दी भइलअ
मजदूरन के दिनवा
फिरावतो नइखअ…
#Geetkar
Shekhar Chandra Mitra
#दिहाड़ी #मजदूर #बहुजन #बेरोजगार
#आत्महत्या #खुदकुशी #suicide #मौत
#लेबरचौक #गरीब #दलित #आदिवासी
