चुनावी गीत
ई तअ रोक तंत्र हअ!
ई तअ ठोक तंत्र हअ!!
कवनो लोक तंत्र ना
ई तअ शोक तंत्र हअ!!
चारू ओर बर्बादी बा
सिस्टमवे में खराबी बा
आपन मौत मरे के
इहां सबके आजादी बा
ई तअ क्षोभ तंत्र हअ!
ई तअ क्रोध तंत्र हअ!!
कवनो लोक तंत्र ना
ई तअ रोग तंत्र हअ!!
का मजदूर-का किसान
सभे बेहाल-सभे परेशान
पूंजिपतियन से सांठगांठ
कईले बाड़े हुक्मरान
ई तअ लूट तंत्र हअ!
ई तअ फूट तंत्र हअ!!
कवनो लोक तंत्र ना
ई तअ गुट तंत्र हअ!!
#FarmersProtest
Shekhar Chandra Mitra
