#गहिरो_संदेश (#नेपाली_लघुकथा)

गाउँका काकाको नाति अत्यन्तै चुलबुले र चञ्चले रै’छन् । काकाले तिनलाई ‘बदमास’ को संज्ञा दिएका थिए । घरमा जो कोही पुग्दा नि नातिको परिचय त्यै भनेर गराउँथे ।

एकदिन काकाको घर संजोगले म पनि पुगेछु । काकाले आफ्नो नातिको परिचय ‘बदमास’ भनेर गराउँदा मलाई अत्यन्तै खिन्नता वोध भयो । मैले तत्कालै काकालाई भने,’ अवोध बालकबारे त्यसरी भन्नु हुँदैन । #बालमनोविज्ञानमा नराम्रो असर पर्न सक्छ ..!’
काकाले आफ्नो टाउको कन्याउँदै भने, ‘त्यो त मायाले पो भन्या हूँ । मेरो नाति असाध्यै ज्ञानी र तिखो दिमागका छन् ।’
मैले जिज्ञासा राखें, ‘ काका ! त्यसो हो भने नातिको सकारात्मक कुरा अरूसंग तिनको सामुन्नेमा गर्नुस, तिनी सकारात्मक काम गर्न थप हौस्सिने छन् । ‘
यसैबीच, काकीले नजिकै राखि दिएकी चियाको चुस्की लिन के थालेको थिएँ । #काका (अलिक गम्भीर मुद्रामा )भन्न थाले, -‘ सही भन्यौं, बाबु ! बच्चाका अगाडि नकारात्मक कुरा गर्नु हुन्न । तर के गर्ने ? गाउँमा अभिभावकहरू बच्चाबुच्चीकै अगाडि अश्लील गाली र असभ्य/फोहरी शब्द निकाल्छन् … ..#अश्लील शब्दहरू जोडेर गाली गर्छन् । त्यसलाई एउटा संस्कृतिकै रूपमा अंगालेका छन् । ‘ काका आफ्नो भनाईहरूलाई विश्राम दिएपछि मैले सोधें ,’ तपाईंहरूले त त्यसो गर्नु भएको छैन नि ?
काकाले भने, ‘ छैन, छैन….! अँ अघि नातिको बारेमा पो भन्दै थिएँ … ! कुरा अन्यत्रै मोडियो ।’
म : ‘ ए..ए हो त ! तर, राम्रै कुरा त गर्नु भयो । अब नातिको बारेमा सुनाउनु न! ‘
काका (नातिको टाउको सुम्सुमाउँदै) भने, ‘ यो पुच्चेले घरमा काम गर्न नदिएपछि एक दिन भूगोल पढाउने छोराको टेबलमा रहेको संसारको नक्शा टुक्रा-टुक्रा पारेर यिनलाई जोडेर पहिला जस्तै दुरूस्त बनाउन भनेको थिएँ । मैले सोचेको थिए- जोड्न सक्तैनन्, अलमलिने बाटो मात्र हुनेछ । तर, आश्चर्यजनक रूपमा थोरै समयमा संसारको नक्शा नातिले जोडेर दुरूस्तै बनाएका देख्दा म आश्चर्यमा थिएँ । सोधें -नाति! यो कसरी गर्यो ! नातिले जबाफ दियो- नक्शाको पछाडि मानिसको आकृति थियो । सोचें मानिस ठीक भए संसार पनि आफै ठीक बन्नेछ । च्यातिएको आकृतिलाई जोड्दै गएर मानिसको पूर्ण आकृति बन्यो ..! यता पल्टाउँदा नक्शा पनि तयार भएछ । ‘
बच्चाको असाधारण मनोविज्ञानले दिएको संदेश गजबको छ : मानिस सही बन्यो भने संसार बन्छ ।
(तस्बीर :सांकेतिक)

#दिनेश_यादव
@काठमाण्डौ_कलंकी
२०८०/०९/०१ #shortstory #nepal #story #facebookpost #viralreels #viralpost2023 #AmaZing #प्रेरक #Dineshyadav #rajgadh_phakira #sweetmoments #sweetstory #uncle #intelligence #child