कोरोना सु डरो ना
कोरोना सु डरो ना
कोरोना अब थूं आगो मर,
थांसू म्हाने नी लागे डर|
क्यूंकि म्हे हां धोरा धरती रा लोग,
अठे तो यमराज र भी आवण में लागुड़ी हैं रोक|
फिर भी थोड़ो ध्यान राखणो हैं कोरोना र फेलण सूं,
संक्रमण री बीमारी हैं नातो तोड़ो गले मिलण सूं|
चीन र वूहान शहर सूं कोरोना रो मच्यो कहर,
ध्यान राखणो पड़ला हर पल अर हर पहर|
चाइना ,अमेरिका ,जापान,कोरिया कोरोना सूं डर रह्या है,
भारत रा ज्ञानी वैज्ञानिक इण री जाँच कर रह्या है|
भारत रो प्रधानमंत्री मोदी बोलण लागो,
परम्परा नमस्कारी अपनाओ , कोरोना न मारो आगो|
हाथ मिलाणो नहीं अबे , मॉस, मदिरा न दूर भगाणो हैं,
महामारी र टेम में हाथ जोड़ प्रेम जताणो हैं|
तावड़ सूं प्रीत लगाओ, चश्मों, मास्क पैरणो हैं,
भीड़ इकट्ठी करणी नहीं ,नहीं नदी में तैरणो हैं|
सरकार र आदेश माथे, स्कूल कॉलेज बंद कराया,
कोरोना र इलाज र खातर डॉक्टरा रा प्रबंध कराया|
ऑफिसरा न छुट्टी कीनी, टाबर खेले गांव में,
नंगे पैर नीं खेलणो ,जूता पहनो पांव में|
हाथ धोणो साबुन सु , मिटादो कोरोना र नाम न,
कोरोना र डर सूं मत रोको थे काम न|
सबने एक बात बताणी हैं,
नमस्कारी रीत अपनाणी हैं|
कोरोना बिमारी भगाणी हैं,
दुनिया न बचाणी हैं|
विकास बिश्नोई की ज़ुबाणी हैं,
आ बात सब लोगा न पहुंचाणी हैं
