कोरोना जागरूकता अवधी गीत

आयी महामारी मत घबराव। करो ना लापरवाही ।।
कोरोना के संकरमन से व्याकुल दुनिया सारी,
धीरे-धीरे फैल गई जन-जन में यह बीमारी,
जागो जागो जागरूक बनाव।करो ना लापरवाही।।
बिना काम के कदम धरो ना घर के बाहर अब से,
भाईचारा बना रहै पर कसौ किनारा सब से,
भागो भागो दूरि सब का भगाव।करो ना लापरवाही।।
भीड़भाड़ से बचे रहौ ना कहू से हाथ मिलायौ,
दिन म कई बार साबुन से आपनि कर चमकायौ,
बचो बचो खुद सब का बचाव।करो ना लापरवाही।।
सर्दी खांसी सांस रुकै औ ताप हुवै तन भारी,
नाक बहै औ बदन दर्द तो तुरतै करो तयारी,
जाव जाव “प्रेमी” जांच कराव। करो ना लापरवाही।।
——- सतगुरु प्रेमी (रायबरेली)