कोरोना का फेरा

एक हरियाणवी में छोटी सी कोशिश
—————————————–
******* कोरोना का फेरा (हरियाणवी) **********
*****************************************

मेरे पाच्छे पाच्छे आवण का भाई यू कै मतलब तेरा सै
दो डींग की दूरी राखिए आड़े कोरोना का घेरा सै
1
या छूआछूत की बीमारी सारे जग पै पड़गी भारी
सरकारां नै घोषित कर दी यू कोरोना महामारी
सोच समझ के लिक्ड़ियो घर तै,ना कोई टोरा फेरा सै
दो डींग…………………………………………………
2
हाथ मिलावण तै फैले सै ,दूर तै ही प्रणाम करियो
घर आल्यां गैल्यां बतला कै घर में ही आराम करियो
कसूता टैम दिया दाता नै ,ना मेरा ना कुछ तेरा सै
दो डींग……………………………………………….
3
मुंह पै मास्क ला कै जाइए, सौशल डिसटैंस बनाइए
घर में आके सब तै पैंहला,सैंन्टाइजर गैलां हाथ धोइए
सुखविन्द्र कवै यू बात खरी, मुसीबत भरया सवेरा सै
दो डींग…………………………………………………

सुखविंद्र सिंह मनसीरत
खेड़ी राओ वाली (कैथल)