अनुपम कृति

माटि चानर रत्न छिटै उजिआरा
श्यामल श्यामल गंगा कमला अनुपम धारा
माय अंखि हर्षित नोर जल
माटि केर लाल अनुपम कृति

सोन जरित देव भूमि विख्याता
राजा जनक स्वसा सीता
पावन पवित्र धरती माता
जग जग जानैत अनुपम कृति

ऐसन नगर ऐसन सभ नगरी
आनो केर पाहुन मानि जकरी
प्रेम सभ्यता संस्कार शिक्षा
नत मुण्ड अनुपम कृति

बाबा आगन आबि जतह
जगेश्वर मन मन छमकत
क्रोध मन कहैए सिमट
याज्ञवल्क्य,यात्री,दिनकर,रेनू,अनुपम कृति

बौद्ध तीर्थ उद्योत मे करू स्वागतम्
ज्ञान इजोत मे घर आँगन
महर्षि मेंही दिव्य शक्ति प्रभा
बैजधाम भू कण कण पावन
जतह स्पर्श सँ देव मिलै
नित इतिहास मे अनुपम कृति

मस्तक हिमगिरि मुकुट चान सन
नित नयन नभ पुष्प बरखा
भारती मण्डन,सिरहपा,अयाची,कालिदास
संस्कार ज्ञान गढ़ अनुपम कृति

धन्य धन्य सहज सफल तप जनम
पाओल पाहुन राम छायांकित छाया
जय-जय आंचर मे कृति रचयैत लाल,
धन्य धन्य वसुंधरा कहु अनुपम कृति

मौलिक एवं स्वरचित
© श्रीहर्ष आचार्य