ये अंधा युग में
पढ़ाई गईल भाड़ में
दवाई गईल भाड़ में
मंदिर-मस्जिद के लफड़ा में
कमाई गईल भाड़ में…
(१)
कुछ लोग मालामाल भईल
बाक़ी सभे कंगाल भईल
विपक्ष के नालायकी से
देश के अइसन हाल भईल
जान बचावल मुश्किल बा
महंगाई गईल भाड़ में…
(२)
कबो श्मसान-कब्रिस्तान होला
कबो भारत-पाकिस्तान होला
देश के अधिकतर मीडिया में
खाली हिंदू-मुसलमान होला
दुनिया में होला हमनी के
ऊ हंसाई गईल भाड़ में…
(३)
मज़हब-दौलत के मेल में
सियासत के गंदा खेल में
देश के सबसे काबिल लोग
जाने कबसे बाटे जेल में
ये अंधा युग में उनकर अब
रिहाई गईल भाड़ में…
#Geetkar
Shekhar Chandra Mitra
#बहुजन #दलित #ambedkar #कैदी
#peace #riots #दंगा #ज्ञानवापी #राजनैतिक
