हे धामी रे,

हे धामी रे, हे धामी रे,
दिखण लगीं तेरी नाकामी रे,
हे धामी रे, हे धामी रे,
लगणी नौकरियों की निलामी,
दिखी नी त्वै तैं या नाकामी
होण लगीं छै बदनामी,
धामी रे हे धामी रेl
सडकी पुल छा टूटना,
गाड गदेरा छा उठना,
और तू बणोणू छैं चांदी रे,
धामी रे हे धामी रे,
तेरी पोल क्या खोली,
त्वैन अरबन नक्सली बोली,
लगाणू छैं तू पाबंदी रे,
धामी रे हे धामी रे l
अपना प्रचार तैं लिक,
त्वैन खर्च्या हजार करोड़ किक,
लोक लोज त्वै तैं नी आंदी रे,
धामी रे, हे धामी रे,
ये सभी छंन तेरी नाकामी रे,
धामी रे, हे धामी रे ll