धनिया

जिया जर जर जरले जाय,
धनिया विना मोरा किछ नै सोहाय,
जिया जर जर जरले जाय।
चांन सन कनिया,
पान सन धनिया,
रुप यौवन सों परिपूर्ण मुन्निया,
सोच सोच मोर हृदयऽ नोराय,
जिया जर जर जरले जाय,
धनिया विना मोरा किछ नै सोहाय।
कौन दुर्मति भेल एलौ विदेश,
कनियो नै भेटल कनिया संदेश,
ससुरकऽ हाट बाट किछ नै भूलाय ,
जिया जर जर जरले जाय,
धनिया विना मोरा किछ नै सोहाय।
सायर सरहोएज के कयलौ गोहायर,
किछ क्षण छोड़ू कनिया दुआयर,
मुदा पाथरक रुप देवो नै सहाय,
जिया जर जर जरले जाय,
कनिया विना मोरा किछ नै सोहाय।
नर थिकौ नारी,
पुरुख बीमारी,
सोच सोच मोरा चित हरषाय,
जिया जर जर जरले जाय,
धनिया विना मोरा किछ नै सोहाय।
शक्तिपीठ के दूध चरहैलौ,
गाम- गाम जा कीर्तन गेलौ ,
देखि देखि कऽ उमा मुस्काय,
जिया जर जर जरले जाय,
धनिया विना मोरा किछ नै सोहाय।
‌उमा झा🙏🏻🙏🏻