💜सपना हावय मोरो💜

सपना हावय मोरो
देह मोर हरदी लग जातिस।
भाग के लक्ष्मी बन के
सुघ्घर दन -पुतरी आतिस।।
💜💜💜💜💜💜

परेम के अँचरा ओढ़ के
मोरो मया म नहातिस।
अँगना के सुन्ना चौरा म
मोंगरा कस मम्हातिस।।
💜💜💜💜💜💜

सजे श्रृंगार चेहरा ओकर
देख- देख मुस्कातेंव।
ककनी -कड़ा सोन के हार
रंग-रंग के पहिनातेंव।।
💜💜💜💜💜💜

मया के मधुरस म ओला
पहर-पहर नऊहातेंव।
हृदय के गोंठ नीति
खोप ओकर बनातेंव।।
💜💜💜💜💜💜

मुंठा भर चुरी हांथ म
जुग -जुग ले उन्हातेंव।
मड़वा कस सुख के छैंहा
ओकर जिनगी म बगरातेंव।।
💜💜💜💜💜💜

मोर हृदय के राजमहल म
महारानी बना बइठातेंव।
धरम-करम ले संग-संग म
दुख के पन्ना लऊहातेंव।।
💜💜💜💜💜💜

कल्प -वृक्ष ये डोंगरी म
सुख के धान उपजातिस।
मया बाँटे बर मोर परानी
हाँसत-हाँसत लऊहातिस।।
💜💜💜💜💜💜

सपना हावय मोरो
देह मोर हारदी लग जातिस।
भाग के लक्ष्मी बन
जिनगी म परगट हो जातिस।।
💜💜💜💜💜💜

🔥सुरेश अजगल्ले “इन्द्र”🔥